قصه حول بنت عاشت تجربه مؤلمه

مرحبا شباب صبايا والله هذا الموضوع مو طبيعي وقصه مأساويهوحبيت انقله الكم وهو يخص بنت عاشت تجربه مؤلمه الله يبعدكم مااطول شوفو الموضوع.
قصه البنت.. حبيت اعرض قصتي واريد رأيكم لان بصرحه بديت الوم نفسي .. الكل يعرف اصعب شي بالدنيا لمن الانسان يبدي يلوم نفسه .....



شوفو...

اني اتعرفت على صديقه فاطمه اسمها الي بالمدرسه وبما انو اني بغربه، فصعب الكي صديقاتي الي من التايب مالتي.. ولله وسوينه كروب يتكون من ( وفاء - فاطمه-دعاء-عايشه - واني) احنا جنه عائله وحده والاندماج الي بيناتنا مو طبيعي... بس اني جنت لااراديا قريبه من فاطمه وهيه هم نفس الشي(وبما انو اني اكبر منها بسنه حسيت نفسي مسؤوله عنها بهواي اشياء)....

كلــــــش قوت علاقتي بيها وبأهلها ..
البينه جان عدها علاقه بواحد اسمه (حميد) اني هذا من الله ممرتاحتله .. واكرهه كلش وجنت دائما انصحها تتخذر منه لان مو راحه ابد...هو هم جان نفس الشي يضوج مني لان اني جنت دائما احجيها بوجهه ومجنت اخاف منه او اكول عيب.....


وفاء رجعت لبغداد...
دعاء ببغداد....

بقت بس عايشه واني وفاطمه (فاطمه واني منحب نحجي كلشي لعايشه لان جانت متنكع بحلكها حجايه.. وتصرفتها طفوليه كلش)

مره جان عدنه معهد ،كل مره احن نطلع ب2 الظهر ..بالصدفه طلعنه ب12 ..فكلت لفاطمه امشي خل نستغل هالساعتين نروح نتغدى بيها بأي مطعم ونسولف ونكضي وكت (لان عايشه ماكو احنا ، واحنا نحب الطلعات الي مابيها عايشه)..كالت لا اخابر حميد واروح اشوفه.. اني كلتها فاطمه اسمعي كلامي اني ممرتاحه لطعلتكم مال يوم امشي نطلع نتونس احنا.. كالت لا الا اروحله لبيتهم واشوفه...المهم.......
عاندت، وخابرت، وركبت تكسي وكالتلي باي اني مجاوبتها لان مسمعت كلامي وهيه تعرف اني اشكد اخاف عليها ....

الفلم كله علاساس فاطمه بالمعهد ، وب2 ترجع للبيت

الساعه بــ5 ، خابرتني اختها ...(للعلم ماكو بس امها واخواتها اثنين هنا ، الباقي ببغداد) كالت: هلاو اشلونج ؟ اكولج انتي وين؟ كتلها بالبيت ليش؟؟
كالف فاطمه ماكو لحد هسه وامي كال هاي وين صارت ، موبايلها مغلق....كلتها انتي فاتحه سبيكر ؟؟كال لا ، كلتها شوفي فاطمه راحت لحميد لبيتهم وكال ب2 ارجع واني عبالي رجعت هيه من زمان...كالت لا ماكو ، والمشكله مو هنا... انو امي ظل بالها وتريد تروحلها للمعهد .. الله يخليج تووووته ساعديني مااعرف شكول لامي(كالعاده مو اول مره احط نفسي بمواقف .. اطلع تاليتها اني الموخوش!!)
كتلها لاختها انطي التفلون لامج ، كتلها لامها : هلاو خاله .. خاله احنا بالمعهد بعدنه ، ديسولونه دروس تقويه للجايين جدد من بغداد ، ولهذا اتاخرنه..امها كامت تفشر )اني ظل بالي ، وغير تخابرني تكولي فاطمه ؟؟كتلها خاله ذبيها براسي هيه جهازها بلا شحن ومن الظهر وصتني اخابرج واني نسيت ..((واكلت رزاله من هاي الدرجه اولى))


ثاني يوم
دومت فاطمه ،بالمعهد ..بس مو فاطمه الاعرفها القريبه مني...
اشو هادئه .. تتصفن..متاكل..وجها اصفر..عيونها كبار حمره.. (كل الويانا بالمعهد ولد وبنات استغربو منها )...اجيت سألتها شبيج ؟؟متجاوب او تغلس ..
عايشه سالتها شبيج؟؟هم متجاوب..

وره اسبوع ، دنرجع بليل من المعهد ، ودنتمشه على الشارع العام (ب9 ونص تقريبا) اخذت فاطمه على صفحه وكتلها/ هسه تكوليلي شكو شبيج وشصاير..؟؟
حاولت تلف بالموضوع بس اني مخليتها..
جان نطب بفرع وكعدنه على الرصيف وكامت تبجي وكالت(اني لو سامعه كلامج احسن، رحت ويا للبيت وسوه بيا اشياء (**************)وعافني ..وهسه اني ممتاكده اني بينه لو لا، وانطاني شريط حبوب كلي اشربيها )كلتها زين....انتي شنو الي مخليج ويا لحد هسه تكولي : لازم عليه صور وفديو وكال افضحج)


وروحه لاخويا ، حسيت نفسي مسؤوله عنها اكثر من اختي...
كتلها اوكي منو الي يدري؟؟
كالت محد، انتي اول وحده اكولها ..تووووته مااعرف شسوي وحضتني وكامت تبجي...
كلتها خلص كلشي والا حل ..
باجر اجيج من الصبح (لان دوامنا مال معهد ب7 لــ2 الظهر) ونروح على الدكااتره نفتر ونشوف...

طبعا ، لكينا طبيب نسائي، ووكعت كلها براسي(اني من النوع الي استحي كلش وهيج شغلات داحجيها لطبيب يعني بيها نوع من المستحه )هيه ساكته وتبجي حته الطبيب اتعجب : كال منو صاحبه المشكله انتي لو هيه ؟؟كتله هيه كال لعد ليش انتي الي دتحجين ..وحجه ويا فاطمه وكلها(من نيالك على هيك رفيقه) المهم ماطول عيلكم....
فحصها ...وطلعت مو بنيه.. واكو ادويه وتحاليل وفحوصات وكشفيات مال مختبر والدكتور وصرف مو طبيعي...زين احنا بهيج حاله منكدر ناخذ من اهالينا فلوس لان شنكولهم؟؟ليش نريد هالمبلغ؟؟
فرحت بعت موبايل(كلت لاهلي ضاع)وهيه باعت تراجيها الذهب(كالت لاهلها ضاعت)..وبقيت فوك العشر ايام احنا منداوم بالمعهد.. مكضيها فحوصات ودكاتره..
سوت تحاليل وانطوها ادويه (جنت يوميه اخابرها ادزها بموعد الدوه مالتها الصبح وبليل)وجنت اخذها بأيدي اوديها تضرب ابر الي كال عليها الطبيب)

(كل هاي الفتره هيه جانت تخابر حميد وتسايسه لان خايفه يفضحها)


وبقت على الحاله هاي (الي محد يعرف بيها بي اني وهيه ) حوالي شهر....
اخر يوم بالمعهد ، سوولنه حلفه تخرج بكوفي شوب يمنه..واجو بيها كل الطلاب والطالبات و الاساتذه و المدرسات والمدير ودي جي وهوسه ..المهم احنا وبنص الحفله...
اجه حميد للكافيه ( لان فاطمه مداترد عليها تلفوناته ، ومسجاته ، وتخابره من كفه خشمها لان طلع من عينها)

وكاللها : اليوم قررت اروح للبيت مالتكم واكول لامج على كلشي..واخذها من ايدها وراح للبيت..

دك الباب ، الام استغربت منظر بنتها وياها واحد مهتلف مااعرف شلونه وفاطمه دتبجي ...
كلها خاله اني عندي علاقه ويا بنتج..
الام كمشتها لفاطمه ودك كتل ..واجه براسه (انو مدام عنده هالجرأه انو يجي يكول عندي علاقه ببنتج ..فأكيد هو مسوي فد شي بيها وواثق من نفسه هواي)


المهم


فاطمه ، انحرمت من الطلعه والطبه والنت و الموبايل وبقت بس بالبيت(اتذكروا حميد مكال للام غير انو عندي علاقه ببنتج)...حته اني الي جنت اعز من بتهم منعوها مني!!!
حميد، شاف هيج صار..بده يشتغل سن ناعم..
كام يدز مسجات على موبايل لام انو اني حدز رام بي كلشي .. هاي بنتج الي تكون بت (***********) تبيعون شرفيات ..

المهم وكالت شيكول : تووووته تفتن كلشي عنكم وشيصير بداخل بيتكم اني اعرف بي..و و وو وو (ودخلني بهووووووواي اشياء نتيجه الحقد الي حاقده عليا)...

اتخبلوووووو / رغم وكفاتي لفاطمه وضربت دوام المعهد وعلمود اروح وياها لطبيب.. وبعت موبايلي حته ادفع وياها فلوس الطبيت والتحاليل واخابرها اذكرها بموعد الدوه تجي تكول: هااااااااااا يعني انتي الي جتي توصلين الاخبار لحميد..؟؟امنت بيج ودخلتج لبيتنا هيج تسوين؟؟
اتخليو تشك بيا!!!!!!!!!!!!
رأسا كلتها : شكرا ، وبيتكم هذا بعد مافوته ..وامها طردتني من البيت !!

وره شهر اني مااعرف شي عن فاطمه لان منتحاجه.....خابرتني تكولي اكولج
هسه تجين لبيتنا..تحجين لامي كلشي لان تعبت..كلتها اوكي (جان عندي محاضره خصوصي .ضربتها علمودها ورحتلها للبيت)


طبيت (للعلم، كلش صعبه عليا..لان اني مطروده من البيت.. فتخيلو).. رحت على الام كتلها من رخصتج خاله....اخذتها وطبينا للغرفه كتلها::هيج وهيج القصه (فاطمه قبل من اتاخرت .. جانت يببيت حميد ..و و و و و و و و )الام اتخبلت..كمشتها دك بسط لفاطمه تكول / انتي بنت فلااااااااااااااااااااان هيج واحد يقشمرج؟؟مو اني ذكيه و و و وو و وبقت اتزرل وتكتل بيها واني اهديها وماكو فايده

..

حميد شجان يسوي ..يدز على بيت فاطمه ولد صغير بأيده رام موبايل يكولهم:هذا ولد دزه بأيدي كال تنطو الهم ..ولما يفتحون الرام يلكو فارع..وراها بثواني يدز مسح على موبايل الام (هالمره جان فارغ ..المره الخ ادزه متروس ولابوها لبغداد)...

المهم الام ..راحت اخذت فاطمه لطبيب توووووووب كلش وفحصوها اكثر من 4 مرات وطلعت مابيها شي (بعدها فريجن) وعدها التهابات قويه كلش الحمدلله الادويه الي جانت تاخذها محسنه حالتها..
بقه حميد يهدد ومااعرف شنو....بس لان الام واثقه ماكو شي فمكامو يخافون..لان ماعدنه لزمه على بيتهم(هو شافهم قووا عليها فهو كام يسحب نفسه لان ماكو نتيجه)


اشتتوقعون سوت اخر شي؟؟؟



هاي مصارلها شهرين...


خابرت كالت محتاجه فلوس كلتها ابطن عيني..اشكد تريدين كالت 200 دولار.. كلتها اني الي جوه ايدي 170دولار تقريبا.. بس اذا محتاجه كلش ابيع موبايلي او داخذلج من اهلي...
كالت لاااااااا الي عندج امشي بي اموري
وعلى اساس ترجعها وره يومين اتلاثه (بين ماابوها يحول الهم فلوس)


وراها ..


(وره شهر اخابر ، مغلق...)طلعت راجعه لبغداد..بدون متودعني ولا ابد .. ولما احجي لعايشه تجي (اخر 6 اشهر عايشه وفاطمه ابد مو صلحه ووصلت المشاكل مالتهم للاهاليهم )تكولي :هههههههههههههههههههههههههههه ياما وياما باكت مني اشياء فلوس وملابس واني مكلتج حته لتطلع بوجهي)


زين اوكي..هيه لو كايتلي اني اني محتاجه ، بعدين ارجعلجياها ولله وروح اخويا اكولها صاار واذا محتاجه بعد هاج مي عيوني... بس مال اعرف (صديقتي الي جنت اشوفها اكثــــــــر من اختي)تبوكني !!!!!صح قيمه الفلوس مو هواي بس ..يعني عيب ولله عيب..يعني حته من احجيها لاحد اكوله صديقتي باكتني يخرب ضحك..
صديقتي تبوكني؟؟!!!
هاي صعبه كلش...هاي عود احنا بالغربه..والصديق يبوك صديقه..ماكو عتب على الغريب ...
كلت يجوز ظروف عدها منعتها انو تتصل بيا وهاي مو اول مره ابررلها دائم ابرر اغلاطها..واعرف انو هيه غلطت بحقي بس لان احبها مااحب اشوفها غلط فأبرر غلطتها دااااااااائما
لااندل بيتهم حته اروحلها لان انتقلو لغير بيت .. ارقام موبايلاتهم مغلقه الكل..هيه تدل بيتي وعدها رقمي فليش متخابر تكولي شبب كطقتها عني هالشهرين ووره مأخذ الفلوس؟؟

حته من اشوفها على النت.. احجي وياها متجاوب ..مرات اتفوت انفزبل واعرف بيها هيه فاتحه نت بس خاتله وهم متجاوب






اني لحد هسه مقهوره على الصداقه والثقه الي انطيتهيا ..والي احجيلهم يكولولي ماكو داعي تضوجين لان على الاقل عرفيتها شنو هيه...
بس و روح طارق اخي..اني لحد هسه من اتذكر المشاكل الي وكعت روحي بيها علمودها وشلون ضيعت دراستي علمودها تالي متالي هيج يكون حظي بالصداقه؟؟؟


واني المغزى من القصه هاي ..اريد تتعضوووووووون كلهم (ولد و بنات) ...

واني فاطمه علاقتي جانت كلش قويه بيها .. وره مشكت بيا اني انقهرت كلش لان الظاهر جنت احبها واحترمها و اقدرها اكثر مما جانت تحبني واتقدرني وتحترمني هيه..

ورها كلت اوكي ..هاي مو اول مره منها..(رغم وكفاتي وياها) بعدها طايشه وطفله واني اكبر منها ولازم استحملها..
هاي القصه حقيقيه والي صار بفاطمه مو قليل (الحمدلله والشكر اذيتها جانت نفسيه مو جسديه))..مااريد البنات تتقشمر بحجي الولد و اريد الولد يسمحون لنفسهم يتقشمرون او يأذون بينه وخل يشوف خواته وكرايبه قبل لينوي هيج نيه

فاطمه :ببغداد هسه هيه واهلها
عايشه : بأمريكا
تووووته(اني): هنا ببلاد الغربه !!
حميد : ببلاد الغربه (وللعلم طلع حميد متزوج...ومرته حااااااااامل من جان عنده علاقه بفاطمه ....وهسه هو منزل فيدوكليب على اغانينا يطلع (بس بأسم مستعار قريب لاسمه )!!!))

اعرف طولت هووووووووواي بس هاي القصه اريد الكل يتغظ منها........


اسفه على التأخير واشكركم


قصه غريبه عجيبه اتمنى ان تنال اعجابكم واتمنى ان تاخذو المفيد منها....